Л.Н. Гумилев атындағы ЕҰУ сәулет-құрылыс факультеті сайтының дизайны

Аңдатпа

Бұл мақалада бірқатар веб-сайттардың дизайнын зерттеу нәтижелері және оларды жасау кезінде қажет негізгі мәселелер көрсетілген. Салыстырмалы талдау барысында жоғары оқу орындарының көптеген отандық сайттары шетелдік сайттармен салыстырғанда шаблондық стильдерді қолдану тенденциясы, сонымен қатар мәтіндік ақпараттың шамадан тыс жүктелуі, навигациядағы қиындық, креативті және стандартты емес шешімдердің болмауы, сондай-ақ мазмұнның тым көп қанықтылығы байқалды. Жұмыс барысында эмпирикалық зерттеу әдістерінің бірі, дизайнда белсенді қолданылатын - сауалнама әдісі қолданылды. Сәулет-құрылыс факультетінің кәзіргі сайты техникалық эстетика жағынан және әртүрлі құрылғыларға бейімделу тұрғысынан жетілдіруді қажет ететіні анықталды.